சான்றோர் அறியாத சான்றோர் பிரபலம் அசோக் அமிர்தராஜ்.

அசோக் அமிர்தராஜ், இவர் நாம் முன்னர் பார்த்த விஜய் அமிர்தராஜ் அவர்களின் இளைய சகோதரர் ஆவார். இவரை சட்டென்று அடையாளம் கண்டுகொள்ளும்படி சொல்லவேண்டும் என்றால், ரஜினிகாந்த 1988ல் நடித்து வெளி வந்த "பிளட் ஸ்டோன்" திரைப்படத்தையும், முதன் முதலில் ஐஸ்வர்யா ராய் நடித்து, இயக்குனர் சங்கர் தயாரிப்பில் வெளிவந்த "ஜீன்ஸ்" திரைப்படத்தின் தயாரிப்பாளரும் இவர்தான்! ஹாலிவுட்டில் நூறுக்கும் மேற்ப்பட்ட திரைப்படங்களை தயாரித்திருக்கும் ஹாலிவுட் பிரபலம் இவர். தமிழ்நாடு சென்னையில் பிறந்த இவர் தனது 9 ஆண்டு கால சர்வதேச டென்னிஸ் விளையாட்டு வாழ்க்கையில்  இந்தியாவிற்காக பல பன்னாட்டு டென்னிஸ் பந்தயங்களில் விளையாடி உள்ளார். விம்பிள்டன் அமெரிக்க ஓபன் விளையாட்டுக்களிலும் விளையாடி உள்ளார். 1976 ஆம் ஆண்டில், விம்பிள்டன் இரட்டையர் போட்டியில், இவரும், இவரது சகோதரர் விஜய் அமிர்தராஜும் அரை இறுதி வரை வந்தனர்.

என்னுடைய விஜய் அமிர்தராஜ் அவர்கள் பற்றிய பதிவை படிக்கத் தவறியவர்களுக்காக: இவரது பூர்வீகம் திருநெல்வேலி மாவட்டத்தை சேர்ந்த காவல் கிணறு. இவர் பிறந்தது (1956 பிப்ரவரி 22) வளர்ந்தது எல்லாம் சென்னையில். இவரது தந்தை ராபர்ட் அமிர்தராஜ் நாடார் மற்றும் தாயார் மேகி (தைரியம்) அமிர்தராஜ் இருவருமே டென்னிஸ் வீரர்ர்கள். இவரது மனைவி பெயர் சித்ரா. இவர்களுக்கு பிரியா என்ற மகளும் (20 வயது), மிலன் என்ற மகனும் (வயது 16) உள்ளனர். நேஷணல் ஜியாகிரஃபிக் நிறுவணத்தின் தலைமைச் செயல் அதிகாரியும் (CEO) இவர்தான்! இவரது பிரபல திரைப்பட தயாரிப்பு நிறுவணமான Hyde Park Entertainment நூற்றுக்கும் மேற்பட்ட ஹாலிவுட் படங்களை தயாரித்திருந்தாலும் நமக்கு பரிச்சயமான் படங்கள் என சொன்னால்

Bloodstone (1988) ரஜினிகாந்த்

Double Impact (1991) வான் டாம்

Inferno (1998)

The Double (2011)  ரிச்சர்ட் கீர்

Ghost Rider: Spirit of Vengeance (2012) நிக்கோலஸ் கேஜ்

Night Eyes (1 to 3)

2013ல் இவரது சுயசரிதை புத்தகத்தை கூட அவர் வெளியிட்டுள்ளார். வாசிப்பில் ஆர்வமுள்ளவர்கள் வாங்கி படிக்கலாம். இஷ்டப்பட்டு கஷ்டப்படாமல் வாழ்வில் எதையும் சாதிக்க முடியாது என்பதை இவர் சுயசரிதை மூலம் அறியலாம். சர்வதேச விளையாட்டு முதல் ஹாலிவுட் வரை தமிழர்கள் புகழ் பரப்பிய இந்த நாடார்கள் பாராட்டப்பட வேண்டியவர்களே...